CUBERFRIENDS CHARITY 5-COCK GLOBAL DERBY

Remate (January 4, 2006)
SENYALES ni Rolando S. Luzong


CYBERFRIENDS CHARITY GLOBAL
5-COCK DERBY

Sa Araneta Coliseum muling gaganapin ang CYBERFRIENDS CHARITY GLOBAL 5-Cock Derby sa January 23 & 25, 2007. P 1 MILLION ang Guaranteed Cash Prize. Ang entry ay P8,800 at ang minimum bet ay P5,500.

Ang Weight Limit ay 1.900 – 2.450 kgs. at ang submission of weights ay 1- day before the fight 2:00 pm – 9:00 pm. Sa January 23 - 2 COCK ELIMINATION at sa January 25 - 3-COCK FINALS

Beneficiary po g pasabong na ito ang HOSPICIO DE SAN JOSE IN MANILA.

Ito po ay taunang paderby ng Cyberfriends. Sa mga interesadong lumahok, maari pong kontakin ang mga sumsunod :CF REBEL - 0917-5341210; CF JOEY BRAVO - 0918-9171230; CF RITA - 0920-8584731; CF ROOSTERMAN - 0921-6918619 & CF 3RD - 0918-3372026. Maari ding tumawag sa ARANETA COLISEUM sa 911-2928

PASABONG NI KUYA JESS

Imbitado po kayong lahat, lalo na ang mga taga Tarlac at Pampanga sa 3rd Annual JDB Barkadahan 4-Cock Derby sa January 27 sa Tarlac Coliseum hosted ni Kuya Jess Beltran at mga kaibigan.

Ang entry fee at P8,800; ang minimum bet ay P6,600 at ang maximum bet ay P22,000.


TULONG PARA SA MGA BICOLANO

Doon po sa mga nais mag-donate ng cash para sa mga biktima ng tatlong sunod-sunod na bagyo sa Bicol, maari po ninyo itong padaanin sa Bicol Gamefowl Breeders Association (BIGBA) at ideposito sa kanilang account : BIGBA; account number 007-478-50200-8; METROBANK – Daraga, Albay Branch.



Senyales at Kaliskis ni San Totoy Batumbakal

‘KURINGON’ O ‘MATAMPUSA’

Kuringon ang tawag ng mga Bisaya sa senyales ng manok na ‘matampusa’ Bihirang matagpuan ang senyales na ito. Pero sa totoo lang, ibinabatay ng matalinong sabungero ang kanyang panalo base sa lagay ng mata ng manok. Ang ‘matampusa’ ay makikilatis kapag ang balintataw o pupil ng mata ng manok ay hugis patulis tulad ng sa pusa.

Maaaring isang mata lamang ang ‘matampusa’ o kaya’y pareho. Kung pagmamasdan mabuti, parang duling ang tingin mo sa ganitong uri ng mga mata. May dalang swerte ang senylaes na ito at isa sa mga kinikilalang birtud ng manok ang ‘matampusa’. Palibhasa’y may likas na pagkatakot ang manok sa pusa o musang. Ang tingin ng kaaway ay pusa ang kaharap sa labanan. Bago bitawan ng isang matalinong sabungero ang manok, pinagmamasdang mabuti kung nasa matalas na kondisyon ang manok sa pamamagitan ng lumalaki at lumiliit na pupil o balintataw nito. Kapag nagkaganito, gising ang manok sa laban. Naka-pokus at malaki ang tsansang manalo.

MGA PATOK FOR THE WEEK :

Ang mga medyo lamang sa panalo sa linggong ito ay ang mga PUTI, TALISAIN, ALIMBUYUGIN AT MAYAHIN. Mas matindi din ang mga DARK-LEGGED na tandang sa linggong ito.