Thursday, June 21, 2007

MGA ASASINASYON SA SABUNGAN

Bandera (June 17, 2007)
HATAW PINOY ni Rolando S. Luzong

Panibagong Asasinasyon sa Sabungan

Nakakagimbal na talaga ang mga ginagawang asasinasyon sa loob ng sabungan matapos ang panibagong insidente ng asasinasyon sa magpinsang Alfedo at Virgilio Vendivil na dapat sana ay mga bagong uupong mayor at vice mayor ng bayan ng Lupao sa lalawigan ng Nueva Ecija.

Habang nasa loob ng sabungan at nanonood ng isang debry sa San Jose City Cockpit Arena sa nasabing probinsiya ay pinagbabaril ang dalawa. Maliban sa kanila ay pito pang mga tao ang mga nadamay at nasugatan din.

Itianaon ng mga salarin na magkaroon ng breaktime ang labanan at sinabayan ang konting pagkakagulo ng mga mananabong na nag-uunahan lumabas upang kumain.

Matatandaan na sa Nueva Ecija din ay nagkakroon ng katulad na pagpatay sa loob ng sabungan mga ilang buwan lamang bago mag-eleksiyon. Ilan taon lamang ang nakaraan ay pinaslang si Mayor Brillantes ng Compostella Valley sa Gallera Matina sa Davao City habang ito ay kalahok sa isang derby doon.. Ito ay sinundan ng pagpatay sa isa pang alkalde sa loob din ng sabungan.

Hindi naman po sa iminumungkahi natin na ‘wag nang magsabong ang mga politico kundi sinasabi lamang po natin na magdobleng-ingat po tayo kapag nasa loob ng sabungan.

Dapat din na mahigpit an ipatupad ang pagpapasok ng baril o anumang nakamamatay na sandata sa loob ng sabungan.

MARAMING SALAMAT PO sa lahat ng dumalo sa aming ipinatawag na pagpupulong kahapon ng mga iginagalang na mga mamamayan ng Barangka, Marikina City. Napakalaking bagay po ng inyong pagdating kahapon upang lalo pa namin pagtibayin ang aming mga layunin.

PAALAM ENGR. BERIN

Remate (June 21, 2007)
SENYALES ni Rolando S. Luzong

PAALAM ENGR. BERIN

Bagama’t alam natin lahat na hindi naman ang pagiging sabungero nila ang rason ay nakakalungkot na matapos ang pagpaslang sa magpinsan na Mayor-elect Alfredo Vendivil at Vice Mayor-elect Virgilio Vendivil ng bayan ng Lupao sa lalawigan ng Nueva Ecija na galling sa angkan ng mga sabungero, ay isa na naman sabungero ang binaril at napatay.

Tinambangan ang dating World Slasher champion at co-host ng World Slasher Cup an si Engr. Pacifico Berin – pinuno ng first district ng Central Luzon Regional Office ng Deaprtment of Public Works & Highways.

Isang iginagalang na mananabong na nakilala sa entry name na Mulawin (katambal si Rudy Albano ng Isabela) , binaril si Engr. Berin (Pico sa kanyang mga kaibigan) sa paglabas nito ng Lucky Restaurant sa San Miguel Village, Talavera, Nueva Ecija. Apat na lalaki na nakasakay sa dalawang motorsiklo ang ang nagtulong sa pagpatay kay Berin.

Noong ako pa ang General Mananger ng Roligon Mega Cockpit ay isa si Engr. Berin sa aking mga suking mananabong. Madalas ay nasa loob lamang siya ng opisina ko kasama si Cong. Albano para magpalamigh habang hinihintay ang oras ng kanilang susunod na laban.

Mabait at masarap kausap si Engr. Berin. Wala siyang kayabang-yabang sa katawan kahit pa kabit-kabit ang pagkakampiyon nila noon.

Isa si Central Visayas Breeders Association President Victor Sierra sa mga unang nagpahayag ng pagkalungkot sa pagkamatay ni Pico na sinasabi niyang “partner” at “malapit na kaibigan”.

Sa mga naulila ni Engr. Berin, mga kaibigan at mga kasabong, lubos pong nakikiramay ang SENYALES, ang HATAW PINOY at ang inyong lingcod sa maaganag pagyao ni Pico.

PAANO SASALI ANG MALILIIT NA BREEDERS SA MALALAKING DERBIES

Remate (June 19, 2007)
SENYALES ni Rolando S. Luzong

PAANO SASALI ANG MALILIIT NA BREEDER
SA MALALAKING DERBY

Kooperasyon ang sikreto. Ito ang pinatunayan ng Cagayan Valley Gamefowl Breeders Association nang sila ay magkampiyon ng dalawang sunod sa una at ikalawang Bakbakan National Stag Derby. Halos walangh nakakarinig noon sa mga breeders ng Cagayan Valley pero matapos ang dalawang kampeonato, marami ang nagbigay-pugay sa kanila.

Ayos sa pahayag ng kanilang founding president na si Gerry Alivia, pagsasama at pagtutulungan ang susi nila sa tagumpay. Nag-grup ay may sampung breeders. Nagdala ng tig-sasampung piling manok ang bawat isa sa isang farm at doon ay nag-selection sila kung saan lahat ng kagrupo ay magge-grade sa bawat ibinibitaw na manok. Ang mga manok na makakakuha ng pinakamataas na iskor ang siyang ikokondsiyon at unti-unti pa rin pipilian hanggang ang sapat na dami na lamang ng panlaban ang natitira.

Isa sa mga kasunduan ay walang mapepwera sa grupo kahit pa walang mapili sa mga manok niya.

Matapos makapili ay kumuha sila ng isang handler-cpnditioner na magaling na kanilang pagkakasunduan upang ihanda ang mga manok.

Pati na ang bayad sa entry fee; ang kailangan halaga para sa minimum bet at panggastos sa transportasyon at pagkaian habang nasa sabungan ay pinagtutulungan ng bawat isa.

Nakwento pa ni Gerry na lahat ng kasali sa grupo ay pupunta sa sabungan upang sumuporta at ang isang nakakatuwang kuwento niya ay yung pagdarasal nila bago ang bawat laban.

Isa rin sa mga nalaman kong nagtagumpay sa ganitong paraan ay ang Candelaria 2006 champion Tisay Jet Ito Combine na binubuo ng apat na breeders na pinagsamasama ang kanilang mga manok upang makapagpasok ng isang team sa Candelaria.

Ang usaping ito ang topic ng usapan sa meeting ng United Cockers of Laguna na maing dinaluhan noong nakaraang Linggo. Sa pangunguna ng kanilang bagong halal na pangulo na si Oliver Valle. Ang pulong ng UCLA ay ginanap sa Star Cross Farm ni Peter Uren at ang nagging panauhing pandangal ay si Sonny Lagon.

Matapos ang eleksiyon ng mga bagong opisayles ng UCLA ay ginawa nila ang kanilang oath taking sa pangunguna ni Sonny Lagon.

Sa lahat ng kasapi ng UCLA, mabuhay po kayong lahat.


HAPPY BIRTHDAY sa aking anak na si Bam (Ma. Presentacio H. Luzong) bukas, Hunyo 20.

MALIGAYANG ARAW NG KALAYAA

Remate (June 12, 2007)
SENYALES ni Rolando S. Luzong


MALIGAYANG ARAW NG KALAYAAN

Kahit na kahapong holiday at ngayon ay may pasok, binabati ko pa rin kayong lahat ng maligayang arw ng kalayaan. Be proud na tayo ay mga Pinoy. Sa mga hindi pa nakakarating sa ibang bansa at hindi pa naranasan makipamuhay sa ibang lahi, marami po ang magsasabi sa inyo na walang katulad ang Pinas; walang kapares sa pakisama ang mga Pinoy at walang kasing-gando at kasing-bango ang Pinay. Pinoy ka, masuwerte ka, magsaya ka, magpasalamat ka.

O balik sa sabong. Kailan lamang ay naipasa ang sariling bersiyon ng Animal Welfare sa lalawigan ng Iloilo. Huwag po kayong mag-panic dahil talaga iniwasan ang sabong. At maging kampante ang isip n’yo dahil ang sabong ay nasasakop ng sariling batas at kinikilala ng pamahalaan. Kaya nga may Cockfighting Law of the Philippines bagama’t ang ilang provisions nito ay hindi na akma sa kasalukuyan. Kaya nga hilingin po natin sa mga bago at muling halal na mga congressmen-cockers aqn silipin naman nila ang P.D. 1802 at gawin ang nararapat na mga pagbabago upang maging applicable sa ngayon.


CAPIZ GAMEFOWL BREEDERS ASSOCIATION

Napakagandang desisyon ang ginawa naming pagbisita ng Hataw Pinoy team sa lalawigan ng Capiz , particular sa lungsod ng Roxas kamakailan upang kapanayamin ang mga bumubuo ng bagong tatag na Capiz Gamefowl Breeders Association (CAGBA).

Nagulat kami sa ganda ng mga manukan doon lalo na ang mala-Shangrila na farm ni Marcu del Rosario – anak ni Congressman Tony del Rosario na nasa ituktok ng isang bundok na may 1,200 feet above sea level. Iyon na siguro ang ipinakamagandang game farm na nakita ko kung saan tanaw mo ang buong Capiz from all directions.

Ibang klase rin ang inihain sa amin na binacol (manok na niluto sa buho ng kawayan) at ang inihaw na red snapper.

Ibang klase rin ang farm ni Marlon Escolin na napakalinis at napaka-ayos. Matindi rin ang farm ni Martin Escolin na bagama’t nasa tabing dagat ay malulusog ang mga manok. Isang timbang sabaw ng buko yata ang nainom ni Havy Bagatsing doon.
Ang Roxas City po ay tinatawag na Seafoo Capital of the Philippines. Napakamura ng seafoods maging talaba, alimango, isda, scallops, posit at iba pa. Siyam kami na kumain sa tabing dagat. Busog kami lahat kasama na ang mga drinks ay P1,500 lamang ang chit namin. Ang sarap bumalik.

Sa CAGBA President na si Ramy Ignacio at sa nag-asikaso sa amin na si Nonong Andrada pati na kay Joey Sarasola, maraming-maraming salamat po.


HATAW PINOY DERBY

Inaanyayahan po naming kayo sa HATAW PINOY 3-COCK DERBY na gagawin sa July 7 sa Zapote Cockpit sa Las PiƱas City.

Ito po ay assisted ni Mayor Nene Aguilar. P5,500 po ang entry fee at P5,500 din ang minimum bet. Mayroon pong fastest win prize na P20,000.

Sa mga nais lumahok, magtext o tumawag lamang pos a Hataw Pinoy – 0920-8652755

SABONG IS HERE TO STAY

SABONG IS HERE TO STAY
COCKFIGHTING FOREVER